അപേക്ഷ ക്ഷണിച്ചു
സംസ്ഥാന പട്ടികജാതി പട്ടികവര്ഗ വികസന കോര്പ്പറേഷന് നടപ്പാക്കി വരുന്ന വിവിധ സ്വയം തൊഴില് പദ്ധതിക്കു കീഴില് വായ്പ അനുവദിക്കുന്നതിനായി ജില്ലയിലെ പട്ടികജാതി പട്ടികവര്ഗത്തില്പ്പെട്ട തൊഴില് രഹിതരായ യുവതീ യുവാക്കളില് നിന്നും അപേക്ഷ ക്ഷണിച്ചു. അപേക്ഷകര് 18 നും 55 നും ഇടയില് പ്രായമുള്ളവര് ആയിരിക്കണം. കുടുംബ വാര്ഷിക വരുമാനം 3,50,000 രൂപയില് കവിയരുത്. പദ്ധതി പ്രകാരം അനുവദനീയമായ വായ്പാ തുകയായ 50,000 മുതല് അമ്പത് ലക്ഷം രൂപക്കുള്ളില് വിജയ സാധ്യതയുള്ള ഏതൊരു സ്വയം തൊഴില് പദ്ധതിയിലും (കൃഷിഭൂമി വാങ്ങല്/ മോട്ടോര് വാഹന വായ്പ ഒഴികെ) ഗുണഭോക്താവിന് ഏര്പ്പെടാവുന്നതാണ്. തെരഞ്ഞെടുക്കപ്പെടുന്നവര് ഈടായി കോര്പ്പറേഷന്റെ നിബന്ധനകള്ക്കനുസരിച്ച് ആവശ്യമായ ഉദ്യോഗസ്ഥ ജാമ്യമോ, വസ്തു ജാമ്യമോ നിര്ദ്ദേശിക്കുന്ന മറ്റ് അംഗീകൃത രേഖകളോ പ്രമാണങ്ങളോ ഹാജരാക്കേണ്ടതാണ്. അപേക്ഷാ ഫോറവും വിശദ വിവരങ്ങളും കോര്പ്പറേഷന്റെ കണ്ണൂര് ജില്ലാ ഓഫീസില് ലഭിക്കും. ഫോണ്: 0497 2705036.
0 Comments