കോഴിക്കോട്: പൗരത്വ ഭേദഗതി നിയമത്തിനെതിരായ പ്രതിഷേധത്തിനിടെ കര്ണ്ണാടകത്തില് രണ്ട് പേര് കൊല്ലപ്പെട്ടതോടെ കേരളത്തിലും ജാഗ്രത നിര്ദ്ദേശം നല്കി. കേരളത്തില് നിന്നും മംഗളൂരുവിലേക്ക് ഉള്ള കെ.എസ്.ആര്.ടി.സി ബസുകള് സര്വീസുകള് താല്ക്കാലികമായി നിര്ത്തിവെച്ചു. മംഗളൂരു ഉള്പ്പെടെയുള്ള ദക്ഷിണ കന്നഡ ജില്ലകളിലേക്കുള്ള സര്വീസുകളാണ് താല്ക്കാലികമായി നിര്ത്തിവച്ചിരിക്കുന്നത്. സ്വകാര്യ ബസുകള് കാസര്ഗോഡ് അതിര്ത്തിയില് സര്വീസ് അവസാനിപ്പിക്കുകയാണ്.
വെള്ളിയാഴ്ച, കാസര്ഗോഡ് ഹൊസങ്കടിയില് കെഎസ്ആര്ടിസി ബസിന് നേരെയുണ്ടായ കല്ലേറില് ഡ്രൈവര്ക്ക് ഗുരുതരമായി പരിക്കേറ്റിരുന്നു. കേരളത്തിന്റെ വടക്കന് ജില്ലകളില് പൊലീസിന് ജാഗ്രതാനിര്ദേശം നല്കിയിട്ടുണ്ട്. കാസര്കോട്, കണ്ണൂര്, വയനാട്, പാലക്കാട് ജില്ലകളില് പൊലീസിന് ജാഗ്രതാനിര്ദേശം നല്കിയത്. ഉദ്യോഗസ്ഥരെ സജ്ജമാക്കി നിര്ത്താന് ജില്ലാ പൊലീസ് മേധാവിമാരോട് ആവശ്യപ്പെട്ടു.
0 Comments