പയ്യാവൂര് : ദൈവം നമുക്കുവേണ്ടി ഒരുക്കിവച്ചിരിക്കുന്ന ആശ്വാസവും കൃപയും തിരിച്ചറിയാന് നമുക്ക് സാധിക്കാതെ വരുന്നത് ദൈവപ്രമാണങ്ങളനുസരിച്ച് ജീവിക്കാത്തതുകൊണ്ടാണെന്നും ദൈവത്തിന്റെ കൃപ നമ്മുടെ കുടുംബത്തിലേക്ക് ഒഴുകുന്നതിന് തടസമാകുന്നത് ലഹരികളാണെന്ന് നാം തിരിച്ചറിയണമെന്നും തലശേരി അതിരൂപത സഹായമെത്രാന് മാര് ജോസഫ് പാംപ്ലാനി.
പയ്യാവൂര് സെന്റ് ആന്സ് ഇംഗ്ലീഷ് മീഡിയം സ്കൂള് ഗ്രൗണ്ടില് മടമ്ബം-പൈസക്കരി ഫൊറോനകളുടെ സംയുക്താഭിമുഖ്യത്തില് നടത്തപ്പെടുന്ന ഫിലോക്കാലിയ ബൈബിള് കണ്വന്ഷന്റെ മൂന്നാം ദിനമായ ഇന്നലെ വിശുദ്ധ കുര്ബാനയര്പ്പിച്ച് വചനസന്ദേശം നല്കുകയായിരുന്നു അദ്ദേഹം. ഫാ. പോള് കണ്ടത്തില്, ഫാ. ജിബില് കുഴിക്കാട്ട് എന്നിവര് സഹകാര്മികത്വം വഹിച്ചു.
തുടര്ന്ന് ബ്രദര് മാരിയോ ജോസഫ് വചനപ്രഘോഷണം നടത്തി. മലയോരമേഖലയുടെ വിവിധ ഭാഗങ്ങളില്നിന്നായി ആയിരങ്ങള് പങ്കെടുത്തു.
കണ്വന്ഷന് ഇന്ന് സമാപിക്കും.
0 Comments