കാഞ്ഞിരപ്പള്ളി: ജനവാസ കേന്ദ്രത്തിനോട് ചേര്ന്നുള്ള ഗോഡൗണില് നിന്നും മൂര്ഖന് പാമ്പിനെ പിടികൂടി. പുളിമാവ് മുണ്ടക്കല് വിഷ്ണു സിദ്ധാര്ഥിന്റെ വീടിന് സമീപത്തായി സ്ഥിതി ചെയ്യുന്ന ഗോഡൗണില് നിന്നാണ് ഇന്നലെ പുലര്ച്ചെ മൂന്നിന് വാവ സുരേഷെത്തി മൂര്ഖന് പാന്പിനെ പിടികൂടിയത്. കഴിഞ്ഞ ദിവസം രാത്രി പത്തോടെ വീട്ടിലെ നായ അസാധാരണമായി കുരയ്ക്കുന്നത് കേട്ട് നടത്തിയ പരിശോധനയിലാണ് പാമ്പിനെ വീട്ടുകാര് കണ്ടെത്തുന്നത്. സമീപത്ത് കൂട്ടിയിട്ടിരുന്ന വിറക് കെട്ടിനുള്ളില് ഒളിച്ച പാമ്പിനെ പിന്നീട് വാവ സുരേഷിനെ വിളിച്ച് വരുത്തി പിടികൂടുകയായിരുന്നു. അഞ്ച് മാസം പ്രായമുളള പെണ്വര്ഗത്തില്പ്പെട്ടപാന്പാണിതെന്ന് വാവ സുരേഷ് പറഞ്ഞു. എറെ ജനങ്ങള് താമസിക്കുന്ന പ്രദേശത്തെ ഒഴിഞ്ഞുകിടക്കുന്ന പറമ്പ് കാട് പിടിച്ച് കിടക്കുന്നതാണ് പാമ്പിന്റെ ശല്യം കൂടാന് കാരണമെന്ന് നാട്ടുകാര് പറഞ്ഞു. പറമ്പ് ശുചിയാക്കുന്നതിനുള്ള നടപടി സ്വീകരിക്കണമെന്നാണ് ആവശ്യമുയരുന്നത്.
0 Comments