ചെന്നൈ: നടനും മക്കള് നീതിമയ്യം പ്രസിഡന്റുമായ കമല്ഹാസെന്റ 65ാം പിറന്നാള് ജന്മനാടായ പരമകുടിയില് വിപുലമായി ആഘോഷിച്ചു.മധുരയില്നിന്ന് പരമകുടിയിലെത്തിയ കമല്ഹാസന് പാര്ട്ടി പ്രവര്ത്തകരും ആരാധകരും നാട്ടുകാരും ഉൗഷ്മളമായ വരവേല്പ്പ് നല്കി.
പരമകുടിയിലെ വസതിയില് മക്കളായ ശ്രുതിഹാസന്, അക്ഷര ഹാസന്, ജ്യേഷ്ഠന് ചാരുഹാസന്, നടി സുഹാസിനി എന്നിവരുള്പ്പെടെ മുഴുവന് കുടുംബാംഗങ്ങളും നടന് പ്രഭുവും ഒത്തുകൂടി. തുടര്ന്ന് കമല്ഹാസെന്റ പിതാവും സ്വാതന്ത്ര്യ സമരസേനാനിയുമായ അഡ്വ. ഡി. ശ്രീനിവാസെന്റ അര്ധകായ പ്രതിമ അനാച്ഛാദനം ചെയ്തു. നൈപുണ്യ വികസന കേന്ദ്രത്തിെന്റ ഉദ്ഘാടനവും വൃക്ഷത്തൈകള് നടുന്ന ചടങ്ങും നടന്നു.
തൊഴിലില്ലായ്മയാണ് രാജ്യം നേരിടുന്ന ഏറ്റവും വലിയ വെല്ലുവിളിയെന്ന് കമല്ഹാസന് പറഞ്ഞു. മക്കള് നീതി മയ്യത്തിെന്റ ആഭിമുഖ്യത്തില് തമിഴകമൊട്ടുക്കും നൈപുണ്യ വികസന കേന്ദ്രങ്ങള് സ്ഥാപിക്കുമെന്നും അദ്ദേഹം അറിയിച്ചു. പരമകുടി കോടതി വളപ്പിലെ ബാര് അസോസിയേഷന് കെട്ടിടത്തില് പിതാവ് ശ്രീനിവാസെന്റ ഛായാചിത്രവും കമല്ഹാസന് അനാച്ഛാദനം ചെയ്തു.
0 Comments