വയനാട് : വയനാട്ടിലെ ബത്തേരി സര്വജന സ്കൂളിലെ ക്ലാസ് മുറിയില് അഞ്ചാംക്ലാസ് വിദ്യാര്ത്ഥിനി ഷഹല ഷെറിന് പാമ്ബുകടിയേറ്റ് മരിച്ച സംഭവത്തില് പൊലീസ് കേസെടുത്തു. സ്കൂളിലെ അദ്ധ്യാപകരെയും താലൂക്ക് ആശുപത്രിയിലെ ഡോക്ടറെയും പ്രതികളാക്കിയാണ് പൊലീസ് സ്വമേധയാ കേസെടുത്തത്. മനഃപൂര്വമല്ലാത്ത നരഹത്യക്കാണ് കേസെടുത്തിരിക്കുന്നത്.
പ്രിന്സിപ്പല്, വൈസ് പ്രിന്സിപ്പല്, അദ്ധ്യാപകന് ഷജില്, താലൂക്ക് ആശുപത്രിയിലെ ഡോക്ടര് ജിസ എന്നിവര്ക്കെതിരെയാണ് കേസെടുത്തിരിക്കുന്നത്.
കുട്ടി മരിക്കാനിടയായ സംഭവത്തില് സ്കൂള് പ്രിന്സിപ്പല് എ.കെ. കരുണാകരന്, ഹെഡ്മാസ്റ്റര് കെ.കെ. മോഹനന് എന്നിവരെ വിദ്യാഭ്യാസ ഡെപ്യൂട്ടി ഡയറക്ടര് സസ്പന്ഡ് ചെയ്തിരുന്നു. സ്കൂളും പരിസരവും വൃത്തിയായി സൂക്ഷിക്കാത്തതും കുട്ടികളുടെ സുരക്ഷ ഉറപ്പ് വരുത്തുന്നതിലെ വീഴ്ചയും ചൂണ്ടിക്കാട്ടിയാണ് സസ്പെന്ഡ് ചെയ്തത്.
0 Comments