കണ്ണൂര് കലോത്സവത്തിന് മിഴിതെളിഞ്ഞു
കണ്ണൂര്: ചരിത്രനഗരിയില് കലയുടെ മിഴിതെളിഞ്ഞതോടെ അഞ്ചു ദിവസം നീണ്ടു നില്ക്കുന്ന കൗമാര കലോത്സവത്തിന് ഇന്നലെ തുടക്കമായി. 306 ഇനങ്ങളിലായി 7,755 കൗമാര പ്രതിഭകള് മാറ്റുരയ്ക്കുന്ന കണ്ണൂര് റവന്യൂ ജില്ലാ സ്കൂള് കലോത്സവത്തിന് പൂരക്കളിയോടെയാണ് ഇന്നലെ വേദി ഉണര്ന്നത്. ബാന്ഡ്മേളവും കലോത്സവത്തിന് മിഴിവേകി. സ്റ്റേജ് ഇതരമത്സരങ്ങളും ഇന്നലെ നടന്നു.
13 വേദികളിലായി 23 വരെയാണ് കലോത്സവം. ഇന്നു രാവിലെ 10നു മുന്സിപ്പല് സ്കൂളില് മേയര് സുമാ ബാലകൃഷ്ണന് ഉദ്ഘാടനം ചെയ്യും. ജില്ലാപഞ്ചായത്ത് പ്രസിഡന്റ് കെ.വി. സുമേഷ് അധ്യക്ഷത വഹിക്കും. സെന്റ് മൈക്കിള്സ് എഐഎച്ച്എസ്എസാണ് പ്രധാനവേദി.നഗരത്തിലെ വിവിധ സ്കൂളുകളിലും പ്രധാനഗ്രൗണ്ടുകളിലുമായി 13വേദികളാണ് മത്സരങ്ങള് നടക്കുക. 23നു വൈകുന്നേരം നാലിനു സമാപന സമ്മേളനം മന്ത്രി കടന്നപ്പള്ളി രാമചന്ദ്രന് ഉദ്ഘാടനം ചെയ്യും.


0 Comments