മട്ടന്നൂര്: കണ്ണൂര് രാജ്യാന്തര വിമാനത്താവള യാത്രക്കാരനില് നിന്ന് നാലു ലക്ഷം രൂപയുടെ വിദേശ കറന്സി പിടികൂടി. പാനൂര് സ്വദേശി മൂസയില് നിന്നാണ് കറന്സി പിടികൂടിയത്. ഇന്നലെ രാത്രി 8.45ന് ഗോ എയര് വിമാനത്തില് ദുബായില് പോകാന് എത്തിയതായിരുന്നു മൂസ. കസ്റ്റംസും സിഐഎസ്എഫും ചേര്ന്നു നടത്തിയ പരിശോധനയിലാണ് മൂസയില് നിന്ന് കറന്സി കണ്ടെടുത്തത്. ഡോളര്, ദിര്ഹം, ദിനാര് തുടങ്ങിയവയാണ് പിടികൂടിയത്. ഇന്നലെ രാത്രി കുവൈത്തില് നിന്ന് എത്തിയ ഗോ എയര് വിമാനയാത്രക്കാരനായ കാഞ്ഞങ്ങാട് സ്വദേശി മുഹമ്മദ് കുഞ്ഞിയില് നിന്ന് 2000 പായ്ക്കറ്റ് വിദേശ നിര്മിത സിഗരറ്റ് കസ്റ്റംസ് ചെക്കിംഗ് പരിശോധനയില് പിടികൂടിയിരുന്നു. പരിശോധനയില് കസ്റ്റംസ് അസി. കമ്മീഷണര് മധുസൂദനന് ഭട്ട്, സൂപ്രണ്ടുമാരായ പി.സി.ചാക്കോ, സന്തോഷ് കുമാര്, ജ്യോതി ലക്ഷ്മി, ഇന്സ്പെക്ടര്മാരായ അശോക് കുമാര്, ജോയ് സെബാസ്റ്റ്യന്, യുഗല് കുമാര് സിംഗ്, ഹവില്ദാര്മാരായ മുകേഷ്, പാര്വതി എന്നിവരുടെ നേതൃത്വത്തിലാണ് പരിശോധന നടത്തിയത്.
0 Comments