കാഞ്ഞങ്ങാട്: നാടൊഴുകിയെത്തുന്ന കലോത്സവനഗരിയില് പൊടിയും ചൂടും ആസ്വാദകരെ വലയ്ക്കുന്നു. ഐങ്ങോത്തെ പ്രധാന വേദിയിലാണ് കൊടും ചൂടും പൊടിയും വില്ലനാകുന്നത്. ദേശീയ പാതയോര മായതിനാല് വാഹങ്ങളില് നിന്നുള്ള പുകയും മനം പുരട്ടുന്ന മണവും ആസ്വാദകര്ക്കും മത്സരാര്ത്ഥി കള്ക്കും ബുദ്ധിമുട്ട് സൃഷ്ട്ടിക്കുന്നുണ്ട്.
കലോത്സവനഗരിയിലെ പൊടിശല്യം ശ്രദ്ധയില്പെട്ടതിനെ തുടര്ന്ന് പരിഹാര മാര്ഗങ്ങള് നടത്താനുള്ള തയ്യാറെടുപ്പിലാണ് സംഘടാകര്. ഇതിന്റെ ഭാഗമായി ഫയര്ഫോഴ്സ് വെള്ളം ചീറ്റി. രാവിലെ മുതല് ദേശീയ പാതയില് കടുത്ത ട്രാഫിക് ബ്ലോക്കും അനുഭവപ്പെടുന്നുണ്ട്.
പടന്നക്കാട് കാര്ഷിക കോളേജ് മുതല് പുതിയകോട്ട വരെ വാഹനങ്ങള് നിരങ്ങിയാണ് നീങ്ങുന്നത്. പോലീസും മോട്ടോര് വാഹന വകുപ്പും ചേര്ന്ന് ഗതാഗത തടസംനീക്കാന് പാടു പെടുകയാണ്.
0 Comments