മലപ്പുറം: പൗരത്വ ഭേദഗതി നിയമം പിന്വലിക്കണമെന്നാവശ്യപ്പെട്ട് മുസ്ലിം യൂത്ത് ലീഗ് സംസ്ഥാനകമ്മിറ്റി നടത്തുന്ന ഡേ നൈറ്റ് മാര്ച്ചിന് ഉജ്ജ്വല തുടക്കം. പൂക്കോട്ടൂര് യുദ്ധത്തില് വീരമൃത്യു വരിച്ചവര് അന്ത്യവിശ്രമം കൊള്ളുന്ന പിലാക്കലില് നിന്നാരംഭിച്ച മാര്ച്ചിെന്റ ഉദ്ഘാടനം മുസ്ലിംലീഗ് സംസ്ഥാന പ്രസിഡന്റ് പാണക്കാട് ഹൈദരലി ശിഹാബ് തങ്ങള് നിര്വഹിച്ചു. രാജ്യം ഞങ്ങളുടേത് മാത്രമാണെന്ന് വിളിച്ചുപറയാന് ആര്ക്കും ഈ മണ്ണ് തീറെഴുതി നല്കിയിട്ടില്ലെന്ന് അദ്ദേഹം പറഞ്ഞു. ഒരു വിഭാഗത്തെ ഭയത്തിെന്റ മുള്മുനയിലാക്കി മാറ്റിനിര്ത്താമെന്ന് ആരും കരുതേണ്ടതില്ല. അത്തരത്തിലുള്ള ഓരോ നീക്കത്തെയും ചെറുത്തുതോല്പ്പിക്കുമെന്നും അദ്ദേഹം പറഞ്ഞു
തുടര്ന്ന് ഹൈദരലി തങ്ങള് സമരനായകന് യൂത്ത് ലീഗ് സംസ്ഥാന പ്രസിഡന്റ് മുനവ്വറലി ശിഹാബ് തങ്ങള്ക്ക് പതാക കൈമാറി. പൂക്കോട്ടൂര് രക്തസാക്ഷികളുടെ ഖബറിടത്തില് പ്രാര്ഥനക്ക് ശേഷമാണ് മുനവ്വറലി ശിഹാബ് തങ്ങള്, പി.കെ. ഫിറോസ് എന്നിവരുടെ നേതൃത്വത്തില് മാര്ച്ചിന് തുടക്കം കുറിച്ചത്. പൂക്കോട്ടൂരില് നിന്നാരംഭിച്ച മാര്ച്ച് തിങ്കളാഴ്ച ഉച്ചക്ക് കോഴിക്കോട് കടപ്പുറത്താണ് സമാപിക്കുക. പ്രതിപക്ഷനേതാവ് രമേശ് ചെന്നിത്തല മുഖ്യാതിഥിയാകും. ആദ്യദിനം 30 കിലോമീറ്ററോളം പിന്നിട്ട ശേഷം രാത്രി ഒരു മണിയോടെ ഫറോക്ക് ചുങ്കത്ത് സമാപിച്ചു. തിങ്കളാഴ്ച രാവിലെ ഒമ്ബതിന് പുനരാരംഭിക്കും.
ഉദ്ഘാടനചടങ്ങില് യൂത്ത്ലീഗ് വൈസ് പ്രസിഡന്റ് നജീബ് കാന്തപുരം അധ്യക്ഷത വഹിച്ചു.
പാണക്കാട് സാദിഖലി ശിഹാബ് തങ്ങള്, എം.പിമാരായ പി.കെ. കുഞ്ഞാലിക്കുട്ടി, ഇ.ടി. മുഹമ്മദ് ബഷീര്, പി.വി. അബ്ദുല് വഹാബ്, മുസ്ലിംലീഗ് ദേശീയ സീനിയര് വൈസ് പ്രസിഡന്റ് എം.പി. അബ്ദുസമദ് സമദാനി, സംസ്ഥാന ജനറല് സെക്രട്ടറി കെ.പി.എ മജീദ്, പ്രതിപക്ഷ ഉപനേതാവ് എം.കെ. മുനീര്, എം.എല്.എമാരായ അഡ്വ. എന്. ഷംസുദ്ദീന്, കെ.കെ. ആബിദ് ഹുസൈന് തങ്ങള്, ടി.വി. ഇബ്രാഹിം, പി. ഉബൈദുല്ല, പി. അബ്ദുല് ഹമീദ്, എം. ഉമ്മര്, ജില്ല പഞ്ചായത്ത് പ്രസിഡന്റ് എ.പി. ഉണ്ണികൃഷ്ണന്, അഡ്വ. എം. റഹ്മത്തുല്ല, ഉമ്മര് അറക്കല്, എം.എ. സമദ്, ടി.എ. അബ്ദുല് കരീം, പി. ഇസ്മയില് വയനാട്, ആഷിഖ് ചെലവൂര്, അന്വര് സാദത്ത് നെല്ലായ, കെ.എം. സിയാദ്, പി.ജി. മുഹമ്മദ്, ഫൈസല് ബാഫഖി തങ്ങള്, എ.കെ.എം അഷ്റഫ്, വി.വി. മുഹമ്മദലി, സുബൈര് തളിപ്പറമ്ബ്, അഡ്വ. സുല്ഫിക്കര് അലി, മിസ്ഹബ് കീഴരിയൂര്, കെ.ടി. അഷ്റഫ് എന്നിവര് സംസാരിച്ചു.
0 Comments