കനത്ത മഴയില് വിളവെടുക്കാറായ തക്കാളി നശിക്കുന്നു! വരവ് കുറഞ്ഞു; തക്കാളിക്ക് വിലയേറുന്നു
മറയൂര്: കനത്ത മഴയില് വിളവെടുക്കാറായ തക്കാളി നശിക്കുന്നു. വിപണിയില് തക്കാളിയുടെ വരവ് കുറഞ്ഞതോടെ വില ഇരട്ടിയിലധികം വര്ധിച്ചു. കഴിഞ്ഞ ആഴ്ച 14 കിലോഗ്രാം പെട്ടിക്ക് 250 രൂപയായിരുന്ന വില 550 രൂപയായി ഉയര്ന്നു. കനത്ത മഴയില് വിളവെടുക്കാറായ തക്കാളികള് വ്യാപകമായി നശിച്ചതോടെയാണ് ക്ഷാമമുണ്ടായിരിക്കുന്നത്. കേരള അതിര്ത്തിയിലെ ഉടുമലൈ, പഴനി, പൊള്ളാച്ചി, ഒട്ടം ചത്രം മാര്ക്കറ്റുകളില് തക്കാളി വരവ് കുറഞ്ഞതാണ് വിലവര്ധനവിനു കാരണം. കഴിഞ്ഞ ദിവസങ്ങളിലുണ്ടായ കനത്ത മഴമൂലം വിളവെടുത്ത പകുതി തക്കാളിയും കൃഷിയിടത്തില് ഉപേക്ഷിക്കേണ്ടിവന്നു. ഉടുമലൈക്ക് സമീപമുള്ള നിരവധി ഗ്രാമങ്ങളില് 30,000 ഏക്കറിലും കൂടുതലായി തക്കാളി കൃഷി ചെയ്യുന്നുണ്ട്. മഴ തുടര്ന്നാല് തക്കാളിയുടെ വില ഇനിയും വര്ധിക്കുമെന്ന് വ്യാപാരികള് പറയുന്നു.
0 Comments