ധര്മടം: ധര്മടം പുതിയ പാലത്തിന്റെ ശോചനീയാവസ്ഥ അപകട ഭീഷണി ഉയര്ത്തുന്നു. ടാര് ഇളകിയ ഭാഗങ്ങളില് ദ്രവിച്ച കമ്ബികള് പ്രത്യക്ഷപ്പെട്ടു തുടങ്ങി.
ചരക്കു ലോറികള് ഉള്പ്പെടെ നിരവധി വാഹനങ്ങള് കടന്നുപോകുന്ന ദേശീയപാതയിലെ പാലമാണ് അപകട ഭീഷണി ഉയര്ത്തുന്നത്
പാലത്തിന്റെ ഒരുഭാഗത്ത് മുഴുവനായി ടാര് ഇളകിയ നിലയിലാണ്.ഈ ഭാഗത്തെ കോണ്ഗ്രീറ്റ് കമ്ബനികളും പുറത്തുകാണാം. പാലത്തിന്റെ ഉപരിതലത്തില് ടാറിളകി പരക്കെ കുഴികള് നിറഞ്ഞ നിലയിലാണ്. ഇതുകാരണം വൈകുന്നരേങ്ങളില് ഗതാഗത കുരുക്കും ഇവിടെ രൂക്ഷമാണ്. ദിവസങ്ങള് കഴിയുംതോറും പാലത്തിന്റെ ശോചനീയവസ്ഥ വര്ധിക്കുന്ന സ്ഥിതിയാണ്. റോഡിലെ തകര്ച്ച കാരണം പാലം ഞെട്ടുന്ന ശബ്ദവും കേള്ക്കാറുണ്ടെന്ന് സമീപവാസികള് പറയുന്നു
കോടികള് മുടക്കിയാണ് ധര്മടം പുതിയ പാലത്തിന്റെ പണി തീര്ത്തത്. ചുരുങ്ങിയ കാലം കൊണ്ടു തന്നെ പാലത്തിന്റെ അവസ്ഥ ഇതുപോലെയായതിനു അധികൃതരുടെ ഭാഗത്തു നിന്നുള്ള പിഴവുകളാണെന്നും അരോപണമുണ്ട്. ആധുനിക രീതിയില് പണിത പാലത്തില് വീഴുന്ന മഴവെള്ളം കെട്ടി നില്ക്കാതെ പുഴയില് വീഴ്ത്താനായി ഉപരിതലത്തില് പ്രത്യേക ദ്വാരങ്ങളുണ്ട്.
എന്നാല് ദ്വാരങ്ങള് യഥാസമയം ശുചീകരിക്കാത്തതിനാല് അടഞ്ഞ നിലയിലാണ്. പാലം നേരിടുന്ന പ്രശ്നങ്ങള്ക്ക് എത്രയും വേഗം പരിഹാരം കാണണമെന്നാണ് യാത്രക്കാരുടെയും സമീപവാസികളുടെയും ആവശ്യം.
0 Comments