ന്യൂഡൽഹി: നിര്ഭയക്കേസില് പ്രതികളുടെ വധശിക്ഷ ശനിയാഴ്ച നടപ്പാകില്ല. പ്രതികളിലൊരാളായ വിനയ് ശര്മ രാഷ്ട്രപതിക്ക് ദയാഹര്ജി സമര്പ്പിച്ച സാഹചര്യത്തിലാണിത്. ദയാഹര്ജിയില് തീരുമാനമെടുത്തു 14 ദിവസത്തിന് ശേഷമേ വധശിക്ഷ നടപ്പാക്കാവൂ എന്നാണ് ചട്ടം.
മറ്റൊരു പ്രതി അക്ഷയ് സിങ് താക്കൂര് നല്കിയ തിരുത്തല് ഹര്ജി സുപ്രീംകോടതി ഇന്ന് പരിഗണിക്കും. ഉച്ചയ്ക്ക് ഒരു മണിക്ക് ജസ്റ്റിസ് എന്.വി.രമണ അധ്യക്ഷനായ ബെഞ്ചാണ് ഹര്ജി പരിഗണനയ്ക്കെടുക്കുന്നത്.
കേസിലെ മറ്റ് രണ്ട് പ്രതികളായ മുകേഷ് സിങിന്റെയും വിനയ് ശര്മയുടെയും തിരുത്തല് ഹര്ജികള് ഇതേ ബെഞ്ച് ജനുവരി പതിനേഴിന് തള്ളിയിരുന്നു. സമൂഹത്തിന്റെ പൊതുബോധത്തെ തൃപ്തിപ്പെടുത്തുന്നതിന് വേണ്ടി വധശിക്ഷ നല്കുന്നത് ശരിയല്ലെന്ന് ഹര്ജിയില് പറയുന്നു. അക്ഷയ് സിങ് ഉള്പ്പെടെയുള്ള നാലു പ്രതികളുടെയും വധശിക്ഷ ശനിയാഴ്ചയാണ് നടപ്പാക്കാന് നിശ്ചയിച്ചിരുന്നത്.
0 Comments