പുതുവത്സരത്തെ വരവേല്ക്കാന് പുലി കേക്ക് ഒരുക്കി മാക്കുനി ബെയ്ക്കേഴ്സ് ഡന്
മാഹി: മാക്കുനി ബേക്കേഴ്സ് ഡന് പുതുവത്സരത്തെ വരവേല്ക്കുവാന് ഇക്കുറി പുലി കേക്ക് വില്പനയ്ക്കായി ഒരുക്കി. 118 കിലോ ഭാരമുള്ള കേക്ക് ഈ സ്ഥാപനത്തിലെ പ്രധാന ജീവനക്കാരനായ ജയന് മാടപ്പീടികയാണു രൂപകല്പന ചെയ്ത് ഉണ്ടാക്കിയത്. മറ്റു ജീവനക്കാരായ രാജു, റിനു, വിജേഷ് എന്നിവരും സഹായികളായി: 27 കിലോഗ്രാം മൈദ, പഞ്ചസാര, 10 കിലോഗ്രാം ഐസ് ഷുഗര്, അഞ്ചുകിലോഗ്രാം തേങ്ങാ പൗഡര്, 120 മുട്ട എന്നിവയാണ് ഇതിന്റെ ചേരുവകള്.18 മണിക്കൂര് എടുത്താണു കേക്ക് നിര്മിച്ചതെന്നു ജീവനക്കാര് പറഞ്ഞു. പുതുവത്സരം ആഘോഷിക്കുവാന് 30,000 രൂപയ്ക്ക് മീത്തലെ ചമ്ബാട് യുവജനസേന കേക്ക് വാങ്ങിയിരിക്കുകയാണ്.


0 Comments