മനാമ: കഴിഞ്ഞ ദശാബ്ദത്തില് ബഹ്റൈനിലെ ആരോഗ്യപരിപാലന സംവിധാനം മികച്ചനേട്ടം കൈവരിച്ചതായി സുപ്രീം കൗണ്സില് ഒാഫ് ഹെല്ത്ത് ചെയര്മാന് ലഫ്. ജനറല് ഡോ. ശൈഖ് മുഹമ്മദ് ബിന് അബ്ദുല്ല ആല് ഖലീഫ പറഞ്ഞു.
ആദ്യത്തെ ബഹ്റൈന് ഇന്റര്നാഷനല് ഒബ്സ്റ്റെട്രിക്സ് ആന്ഡ് ഗൈനക്കോളജി കോണ്ഫറന്സ് ഉദ്ഘാടനം ചെയ്യുകയായിരുന്നു അദ്ദേഹം.
ആരോഗ്യ രംഗത്തെ നേട്ടങ്ങള് മുന്നോട്ടുകൊണ്ടുപോകുന്നതില് സര്ക്കാര് പ്രതിജ്ഞാബദ്ധമാണെന്നും അദ്ദേഹം പറഞ്ഞു.
രാജ്യത്തെ 99.7 ശതമാനം പ്രസവങ്ങളും വിദഗ്ധരായ ഡോക്ടര്മാരുടെയും നഴ്സുമാരുടെയും മേല്നോട്ടത്തിലാണ്. സിസേറിയന് പ്രസവങ്ങള് 28 ശതമാനമാണ്. മറ്റ് രാജ്യങ്ങളുമായി താരതമ്യം ചെയ്യുേമ്ബാള് ഇത് വളരെ കുറവാണ്.
അതേസമയം, ഇൗ രംഗത്ത് പരിഹാരമുണ്ടാക്കേണ്ട ചില വിഷയങ്ങളുമുണ്ട്.
നിശ്ചിത ദിവസത്തിനു മുമ്ബുള്ള പ്രസവങ്ങള് കൂടുന്നതാണ് ഇതില് ഒന്ന്. ഇത്തരത്തിലുള്ള പ്രസവങ്ങള് 1985ല് 1000ല് 64 ആയിരുന്നത് 2017ല് 1000ല് 105.4 ആയി ഉയര്ന്നു.
തംകീനിെന്റ സഹകരണത്തോടെ അറബ് ഗള്ഫ് യൂനിവേഴ്സിറ്റിയാണ് കോണ്ഫറന്സ് സംഘടിപ്പിച്ചത്.
0 Comments