ശ്രീകണ്ഠപുരം: ശ്രീകണ്ഠപുരം - പയ്യാവൂര് റോഡില് പഴയങ്ങാടി അമ്മകോട്ടത്തിന് സമീപം ബസ് ഗുഡ്സ് ഓട്ടോറിക്ഷയിലിടിച്ച് ഒരാള്ക്ക് പരിക്കേറ്റു. ഓട്ടോഡ്രൈവര് സജിലി (38) നാണു പരിക്കേറ്റത്. ഇയാളെ ശ്രീകണ്ഠപുരം രാജീവ് ഗാന്ധി സഹകരണ ആശുപത്രിയില് പ്രവേശിപ്പിച്ചു. ഇന്നലെ ഉച്ചകഴിഞ്ഞ് 2.30 ഓടെയായിരുന്നു അപകടം. റോഡ് മുറിച്ചുകടക്കാന് ശ്രമിച്ച കാല്നടയാത്രികനെ രക്ഷിക്കുന്നതിനായി ഓട്ടോറിക്ഷ വെട്ടിച്ചപ്പോള് പിന്നില്നിന്നെത്തിയ സ്വകാര്യ ബസ് ഓട്ടോറിക്ഷയിലിടിക്കുകയായിരുന്നു.
റോഡരികിലെ മതിലിലിടിച്ച ഓട്ടോറിക്ഷ തലകീഴായി മറിഞ്ഞു. അപകടത്തില് ഓട്ടോറിക്ഷയുടെ മുന്ഭാഗം പൂര്ണമായും തകര്ന്നു.
0 Comments