സമ്മാനമെന്ന വ്യാജേന കൊറിയര് വഴി കടത്താന് ശ്രമിച്ച കഞ്ചാവ് എക്സൈസ് പിടികൂടി
നെടുമ്ബാശേരി: പിറന്നാള് സമ്മാനമെന്ന വ്യാജേന പാവക്കുട്ടിയ്ക്കുള്ളില് ഒളിപ്പിച്ച് കൊറിയര്വഴി വിദേശത്തേക്ക് കടത്താന് ശ്രമിച്ച കഞ്ചാവ് എക്സൈസ് പിടികൂടി. കൊച്ചി രാജ്യാന്തര വിമാനത്താവളം വഴി ഷാര്ജയിലേയ്ക്ക് കടത്താനുള്ള ശ്രമമാണ് ആലുവ എക്സൈസ് സര്ക്കിള് ഇന്സ്പെക്ടര് സോജന് സെബാസ്റ്റ്യന്റെ നേതൃത്വത്തില് പിടികൂടിയത്.
ഇതുമായി ബന്ധപ്പെട്ട് കൊല്ലം സ്വദേശി സഞ്ജു സാമുവല് എന്നയാള്ക്കെതിരെ കേസെടുത്തു. കൊല്ലത്തെ ഒരു പ്രമുഖ കൊറിയര് സ്ഥാപനം വഴിയാണ് ഇയാള് പാവക്കുട്ടിയെ അയച്ചത്. ഇത് നെടുമ്ബാശേരിയില് എത്തിയപ്പോള് സംശയം തോന്നിയ കൊറിയര് അധികൃതര് ആലുവ എക്സൈസില് വിവരം അറിയിക്കുകയും തുടര്ന്ന് പാവയ്ക്കുള്ളില്നിന്ന് കഞ്ചാവ് കണ്ടെത്തുകയുമായിരുന്നു.
0 Comments