12 കോടിയുടെ ഭാഗ്യവാനെ കണ്ടെത്തി
കണ്ണൂര്: സംസ്ഥാന സര്ക്കാരിന്റെ ക്രിസ്മസ്-പുതുവത്സര ബംപര് ഭാഗ്യവാനെ ഒടുവില് കണ്ടെത്തി. കണ്ണൂര് മാലൂര് സ്വദേശിക്കാണ് ഒന്നാം സമ്മാനമായ 12 കോടി രൂപ ലഭിച്ചത്. തോലമ്ബ്ര കുറിച്യമലയിലെ പെരുന്നോന് രാജനാണ് ബംപര് ഭാഗ്യവാന്.
തിങ്കളാഴ്ച നടന്ന നറുക്കെടുപ്പില് ST 269609 നമ്ബര് ടിക്കറ്റിനാണ് ഒന്നാം സമ്മാനം ലഭിച്ചത്. കൂത്തുപറമ്ബിലെ പയ്യന് ലോട്ടറി ഏജന്സീസില് നിന്നും വില്പന നടത്തിയതായിരുന്നു ടിക്കറ്റ്.
ഫലം വന്നതിന് പിന്നാലെ വിവിധ ആളുകളുടെ ഫോട്ടോ വച്ച് 12 കോടി ലഭിച്ചുവെന്ന തരത്തില് വ്യാജ പ്രചരണങ്ങളും നവമാധ്യമങ്ങളിലുണ്ടായിരുന്നു.
0 Comments