പ്രവാസി പുനരധിവാസ പദ്ധതിയില് (NDPREM) നോര്ക്ക റൂട്ട്സിന്റെയും ഇന്ത്യന് ഓവര്സീസ് ബാങ്കിന്റെയും നേത്യത്വത്തില് സെന്റര് ഫോര് മാനേജ്മെന്റ് ഡെവലപ്പ്മെന്റിന്റെ സഹകരണത്തോടെ തിരികെയെത്തിയ പ്രവാസികള്ക്ക് സംരംഭങ്ങള് തുടങ്ങുന്നതിനായി ക്യാമ്ബ് സംഘടിപ്പിക്കും. മൂലധന/പലിശ സബ്സിഡിയുള്ള വായ്പ ലഭ്യമാക്കുന്നതിനുള്ള അര്ഹതാ നിര്ണ്ണയ ക്യാമ്ബ് ഡിസംബര് മൂന്നിന് രാവിലെ 10 മണിക്ക് കണ്ണൂര് തളാപ്പ് നവനീതം ഹാളില് നടത്തും.
പ്രവാസത്തിനുശേഷം നാട്ടില് സ്ഥിരതാമസമാക്കിയവര് ക്ക് തുടങ്ങാവുന്ന സംരംഭങ്ങളെ പരിചയപ്പെടുത്തും. യോഗ്യരായ അപേക്ഷകര്ക്ക് വായ്പ അനുവദിക്കുന്നതിനുള്ള നടപടിക്രമങ്ങള് അന്നേ ദിവസം തന്നെ പൂര്ത്തിയാക്കും. അഭിരുചിയുള്ളവര്ക്ക് പുതിയ സംരംഭങ്ങള് തുടങ്ങാനുള്ള മാര്ഗ്ഗ നിര്ദ്ദേശങ്ങള് സര്ക്കാര് മാനേജ്മെന്റ് പരിശീലന സ്ഥാപനമായ സി. എം. ഡി യിലെ വിദഗ്ധര് നല്കും. വായ്പ ലഭിക്കുന്ന സംരംഭകര്ക്ക് മൂലധന, പലിശ സബ്സിഡിയും നോര്ക്ക റൂട്ട്സ് ലഭ്യമാക്കും.
താല്പര്യമുള്ളവര് തങ്ങള് തുടങ്ങാന് ഉദ്ദേശിക്കുന്ന പദ്ധതികളെക്കുറിച്ചും അടങ്കല് തുക ഉള്പ്പെടെയുള്ള ലഘു വിവരണവും, കുറഞ്ഞത് രണ്ട് വര്ഷം വിദേശവാസം തെളിയിക്കുന്ന പാസ്പോര്ട്ടിന്റെ പകര്പ്പും, മൂന്ന് പാസ്സ്പോര്ട്ട് സൈസ്സ് ഫോട്ടോയും സഹിതം എത്തണം. നോര്ക്ക റൂട്ട്സിന്റെ വെബ് സൈറ്റായ www.norkaroots.org ല് മുന്കൂട്ടി പേര് രജിസ്റ്റര് ചെയ്യണം. കൂടുതല് വിവരങ്ങള്ക്ക് സി.എം.ഡി യുടെ സഹായ കേന്ദ്രം (0471-2329738) നമ്ബറിലും, നോര്ക്ക റൂട്ട്സിന്റെ 1800 425 3939 (ഇന്ത്യയില് നിന്നും), 00918802012345 (വിദേശത്തു നിന്നും മിസ്ഡ് കോള് സേവനം) ടോള്ഫ്രീ നമ്ബരിലും, 0495-2304882,4885 നമ്ബറിലും ലഭിക്കും.
0 Comments