ബിജെപി സര്ക്കാര് സത്യത്തെ ഭയക്കുന്നു: പ്രിയങ്ക ഗാന്ധി
ന്യൂഡല്ഹി: കര്ഷക ആത്മഹത്യകള് സംബന്ധിച്ച റിപ്പോര്ട്ട് സര്ക്കാര് വളച്ചൊടിക്കുകയും പൂഴ്ത്തിവയ്ക്കുകയും ചെയ്യുകയാണെന്ന് കോണ്ഗ്രസ് നേതാവ് പ്രിയങ്ക ഗാന്ധി. ബിജെപി സര്ക്കാര് സത്യത്തെ എന്തിനാണ് ഭയക്കുന്നതെന്നും പ്രിയങ്ക ചോദിച്ചു. കര്ഷക ആത്മഹത്യകള് സംബന്ധിച്ച എന്സിആര്ബി റിപ്പോര്ട്ടില് തിരുത്തലുകള് വരുത്തിയെന്ന മാധ്യമറിപ്പോര്ട്ടുകള് ചൂണ്ടിക്കാട്ടിയായിരുന്നു പ്രിയങ്കയുടെ വിമര്ശനം.
ബിജെപി ഭരണത്തില് കര്ഷക ആത്മഹത്യകള് തുടര്ക്കഥയാകുയാണ്. കര്ഷകരുടെ പ്രശ്നങ്ങള് പരിഹരിക്കുന്നതിനുപകരം, കര്ഷക ആത്മഹത്യകളെക്കുറിച്ചുള്ള റിപ്പോര്ട്ട് തിരുത്തുകയും പൂഴ്ത്തിവയ്ക്കുകയും ചെയ്യുന്നതാണ് കൂടുതല് ഉചിതമെന്നാണ് ബിജെപി സര്ക്കാര് കരുതുന്നത്. കര്ഷകരുടെ ഉത്പന്നങ്ങള്ക്ക് ശരിയായ വില നല്കണം. കൃഷിക്ക് ആവശ്യമായ സൗകര്യം ഏര്പ്പെടുത്തണം. അവര്ക്ക് ബഹുമാനം നല്കണമെന്നും പ്രിയങ്ക സര്ക്കാരിനോട് ആവശ്യപ്പെട്ടു. കര്ഷകരെ നിസഹായതയിലേക്ക് തള്ളിവിടാതെ അവരെ ശക്തിപ്പെടുത്തണമെന്നും പ്രിയങ്ക പറഞ്ഞു.
0 Comments