കാലാങ്കി: റോഡ് വികസനത്തിനായി പ്രതിഷേധ ജ്വാല തെളിച്ച് കാലാങ്കി. വട്ടിയാംതോട്-അപ്പര് കാലാങ്കി റോഡ് മെക്കാഡം ടാറിംഗ് നടത്തണമെന്നാവശ്യപ്പെട്ട് മാട്ടറ, കാലാങ്കി, വട്ടിയാംതോട് ഗ്രാമങ്ങളിലെ നൂറുകണക്കിനുപേരാണ് തെരുവിലിറങ്ങിയത്. ഇരട്ടി-അപ്പര് കാലാങ്കി റോഡില് വട്ടിയാംതോട് മുതല് അപ്പര് കാലാങ്കി വരെയുള്ള ഏഴ് കിലോമീറ്റര് മെക്കാഡം ടാറിംഗ്അനുവദിക്കണമെന്നാണ് ആവശ്യം. ജനകീയ കൂട്ടായ്മയുടെ നേതൃത്വത്തില് കോ-ഓര്ഡിനേറ്റര് സരുണ് തോമസ് നയിച്ച പ്രചാരണ വാഹനജാഥയില് നൂറുകണക്കിന് വാഹനങ്ങളും നാട്ടുകാരും അണിനിരന്നു. പ്രചാരണ വാഹനജാഥ ഉളിക്കലില് ഫാ. മാത്യു എടേട്ട് ഫ്ലാഗ് ഓഫ് ചെയ്തു. ഉദ്ഘാടനത്തോടനുബന്ധിച്ച് നടന്ന പ്രതിഷേധ സദസ് ഗ്രാമ പഞ്ചായത്ത് പ്രസിഡണ്ട് ഷേര്ളി അലക്സാണ്ടര് ഉദ്ഘാടനം ചെയ്തു. പി.കെ. ശശി, ജോസഫ് ആഞ്ഞിലിത്തോപ്പില് എന്നിവര് പ്രസംഗിച്ചു.
തുടര്ന്ന് വട്ടിയാംതോട് കടമനകണ്ടി, മാട്ടറ, അപ്പര് കാലാങ്കി എന്നിവിടങ്ങളില് നിരവധി ആളുകള് പങ്കെടുത്ത സ്വീകരണ പരിപാടികള്ക്ക് ശേഷം നടന്ന സമാപന സമ്മേളനം ഫാ. മാത്യു എടേട്ട് ഉദ്ഘാടനം ചെയ്തു. സിപിഎം ഇരിട്ടി ഏരിയാ സെക്രട്ടറി ബിനോയ് കുര്യന്, കോണ്ഗ്രസ് ബ്ലോക്ക് പ്രസിഡണ്ട് ടി.എ. ജസ്റ്റിന്, സിപിഐ ജില്ലാ കൗണ്സില് അംഗം എം.എസ്. നിഷാദ്, ഡിവൈഎഫ്ഐ ഇരിട്ടി ബ്ലോക്ക് സെക്രട്ടറി കെ.ജി. ദിലീപ്, ഉളിക്കല് പഞ്ചായത്ത് വൈസ് പ്രസിഡന്റ് ഷാജി പൂപ്പള്ളി, യൂത്ത് കോണ്ഗ്രസ് മണ്ഡലം പ്രസിഡണ്ട് ദിലീപ് മാത്യു തുടങ്ങിയവര് പ്രസംഗിച്ചു. സരുണ് തോമസ് അധ്യക്ഷനായിരുന്നു. ജനകീയ കൂട്ടായ്മയുടെ ചെയര്മാന് സന്തോഷ് ചെറിയംമാക്കല് സ്വാഗതവും കണ്വീനര് വിപിന് പഴെമഠം നന്ദിയും പറഞ്ഞു.
തുടര്ന്ന് വികസന മുരടിപ്പിന്റെ അന്ധകാരത്തില്നിന്നു വികസന വിപ്ലവത്തിന്റെ പ്രകാശത്തിലേക്ക് നാടിനെ നയിക്കുക എന്ന സന്ദേശവുമായി കാലാങ്കി ടൗണിലെ എല്ലാ വിളക്കുകളും അണച്ച് പ്രവര്ത്തകര് മൊബൈല്ഫോണ് ടോര്ച്ചുകൊണ്ട്പ്രതിഷേധ ജ്വാല തെളിച്ചു. ജാഥ സ്വീകരണകേന്ദ്രങ്ങളില് സന്തോഷ് ചെറിയംമാക്കല്, ലിജോ പ്ലാത്താനം, വിപിന് പഴെ മഠം, ചാര്ലി മുണ്ടോളിക്കല്, ഷാജി തെക്കേമുറിയില് എന്നിവര് പ്രസംഗിച്ചു.
0 Comments