നെടുമ്ബാശ്ശേരി: വ്യാജരേഖകള് ചമച്ച് ഇതര രാജ്യങ്ങളില്നിന്നുള്ള സ്ത്രീകളെ വിദേശത്തേക്ക് കടത്തുന്ന റാക്കറ്റ് സജീവം. അടുത്തിടെ ഇത്തരത്തില് നിരവധി പേരാണ് നെടുമ്ബാശ്ശേരി വിമാനത്താവളത്തില് എമിേഗ്രഷന് വിഭാഗത്തിെന്റ പിടിയിലായത്. വീട്ടുജോലിക്കും മറ്റും ഗള്ഫിലേക്ക് നിയമവിധേയമായി സ്ത്രീകളെ കൊണ്ടുപോകണമെങ്കില് എംബസിയുമായി ബന്ധപ്പെട്ട് കരാര് ഉണ്ടാക്കേണ്ടതുണ്ട്. നിശ്ചിത തുക സ്പോണ്സര് എംബസിയില് കെട്ടിവെക്കുകയും വേണം. വേതനവും നേരത്തേ നിശ്ചയിക്കപ്പെടും.
ഇതുമൂലം എംബസിയുമായി കരാറൊന്നുമില്ലാത്തവരെ കുറഞ്ഞ നിരക്കില് കൂടുതലായി ഗള്ഫില് ജോലിക്കെടുക്കാന് പലരും താല്പര്യം കാണിക്കുന്നുണ്ട്. ഇത് മുതലെടുത്താണ് വ്യാജ എംബസി രേഖകളും മറ്റും ചമച്ച് സ്ത്രീകളെ കടത്തുന്നത്. തമിഴ്നാട് കേന്ദ്രീകരിച്ചുള്ള ചിലരാണ് റാക്കറ്റിന് പിന്നില്. ഇവര്ക്ക് കേരളത്തിലും സഹായികളുണ്ട്.
ഇത്തരത്തില് ഗള്ഫിലെത്തുന്നവര് പിടികൂടപ്പെടുന്ന സംഭവങ്ങള് വര്ധിച്ചുവരുകയാണ്. ചെന്നൈ വിമാനത്താവളത്തിലെ എമിേഗ്രഷന് വിഭാഗം കൂടുതല് ജാഗ്രത പാലിച്ചുതുടങ്ങിയതോടെയാണ് നെടുമ്ബാശ്ശേരി വഴി കടത്തിവിടാന് ഇപ്പോള് കൂടുതല് താല്പര്യം കാണിക്കുന്നത്.
ഇന്ത്യയില് അഭയാര്ഥികളായി തങ്ങുന്ന ശ്രീലങ്കന് സ്വദേശിനികളെയും ഇത്തരത്തില് കടത്തിവിടുന്നുണ്ട്. ലക്ഷക്കണക്കിന് രൂപയാണ് പ്രതിഫലമായി റാക്കറ്റ് ഈടാക്കുന്നത്.
ഇതിനുമുമ്ബ് റാക്കറ്റിെന്റ കെണിയില്പ്പെട്ട ചിലരെ ൈക്രംബ്രാഞ്ച് ചോദ്യംചെയ്തിരുന്നു. എന്നാല്, പലപ്പോഴും ഇടനിലക്കാര് ഏറെയുള്ളതിനാല് പ്രധാന കണ്ണികളെ കണ്ടെത്താന് ബുദ്ധിമുട്ട് അനുഭവപ്പെടുന്നുണ്ട്.
0 Comments