സേഫ്റ്റി ബീറ്റ് ജില്ലാതല ഉദ്ഘാടനം
അഗ്നിരക്ഷാ സേവന വകുപ്പിനു കീഴില് സംസ്ഥാനത്ത് സന്നദ്ധസേവകരെ ഉള്പ്പെടുത്തി ജനകീയ ദുരന്തപ്രതിരോധ സേന (സിവില് ഡിഫന്സ്) നിലവില് വരുന്നു. സിവിൽ ഡിഫൻസിന്റെ ഭാഗമായി ബീറ്റ് സേഫ്റ്റി സംവിധാനവും നിലവിൽ വരുന്നു
ബീറ്റ് സേഫ്റ്റി സംവിധാനത്തിന്റെ കണ്ണൂർ ജില്ലാ തല ഉദ്ഘാടനം ശനിയാഴ്ച 2 മണിക്ക് കോളയാട് പഞ്ചായത്ത് ഹാളിൽ നടക്കും ഗ്രാമ പഞ്ചായത്ത് പ്രസിഡണ്ട് ടി ശങ്കരൻ ഉദ്ഘാടന കർമം നിർവ്വഹിക്കും ,എ.ടി കുഞ്ഞഹമ്മദ് ,ജില്ലാ ഫയർ ഓഫീസർ രാമകുമാർ എൻ ,സ്റ്റേഷൻ ഓഫീസർ ടി വി ഉണ്ണികൃഷ്ണൻ എന്നിവർ സംസാരിക്കും .ഗാർഹിക എൽ പി ജി കൈകാര്യം ചെയ്യുമ്പോൾ ശ്രദ്ധിക്കേണ്ട കാര്യങ്ങൾ എന്ന വിഷയത്തിൽ പ്രദീപൻ പുത്തലത്ത് ക്ലാസെടുക്കും .അഗ്നി രക്ഷാ ഉപകരണങ്ങളുടെ പ്രദർശനവും ഉണ്ടാവും
പ്രളയവും മണ്ണിടിച്ചിലും ചുഴലിക്കാറ്റും പോലുള്ള പ്രകൃതിദുരന്തങ്ങള് അടിക്കടി ഉണ്ടാകുന്ന പശ്ചാത്തലത്തിലാണ് ജനകീയ സേന രൂപീകരിക്കുന്നത്. പ്രകൃതിദുരന്ത വേളയിലെ അടിയന്തര സേവനങ്ങള്ക്കു പുറമെ വാഹനാപകടങ്ങള് പോലുള്ള ദുരന്തങ്ങള് ഉണ്ടാകുമ്പോള് പെട്ടെന്ന് സഹായം എത്തിക്കാനും സിവില് ഡിഫന്സ് പ്രയോജനപ്പെടുത്തും.
കേരളത്തിലെ 124 ഫയര് ആന്റ് റെസ്ക്യു സ്റ്റേഷനുകള് കേന്ദ്രീകരിച്ചാണ് സിവില് ഡിഫന്സ് യൂണിറ്റുകള് രൂപീകരിക്കുക. ഒരു ഗ്രൂപ്പില് 50 വോളണ്ടിയര്മാര്ക്ക് വിദഗ്ധ പരിശീലനം നല്കും. സംസ്ഥാനത്ത് 6200 പേരെയാണു ആദ്യഘട്ടമായി നിശ്ചയിക്കുന്നത്. സ്ത്രീകള്, പ്രൊഫഷണലുകള് തുടങ്ങിയവരെ കൂടി സേനയുടെ ഭാഗമാക്കുകയാണ് ലക്ഷ്യം.
പ്രകൃതിദുരന്ത മുന്നറിയിപ്പുകള് ജനങ്ങളില് എത്തിക്കുക, ആവശ്യമെങ്കില് നടപടികള് സ്വീകരിക്കാന് അധികാരികളോട് ആവശ്യപ്പെടുക, ദുരന്തങ്ങള് ഉണ്ടാകുമ്പോള് പോലീസിനും മറ്റു ബന്ധപ്പെട്ട അധികാരികള്ക്കും വേഗത്തില് അറിയിപ്പ് നല്കുക, രക്ഷാപ്രവര്ത്തകര് എത്തുന്നതുവരെയുള്ള ഇടവേളയില് പ്രാദേശികമായി ചെയ്യാവുന്ന ഒരുക്കങ്ങള് നടത്തുക, ദുരന്തവേളയില് നാട്ടുകാരെ ഒഴിപ്പിക്കാനും ക്യാമ്പുകളില് എത്തിക്കാനും അധികാരികളെ സഹായിക്കുക തുടങ്ങിയവയാണ് സിവില് ഡിഫന്സ് സേനയുടെ ചുമതലകള്.
0 Comments