ട്രെ​യി​ന്‍ യാ​ത്ര​യ്ക്കി​ടെ അ​ബോ​ധാ​വ​സ്ഥ​യി​ലാ​യ മ​ധ്യ​വ​യ​സ്ക​ന് തു​ണ​യാ​യി റെ​യി​ല്‍​വേ പോ​ലീ​സ്


കൂ​ത്തു​പ​റ​മ്പ്: ട്രെ​യി​ന്‍ യാ​ത്ര​യ്ക്കി​ടെ അ​ബോ​ധാ​വ​സ്ഥ​യി​ലാ​യ മ​ധ്യ​വ​യ​സ്ക​ന് തു​ണ​യാ​യി റെ​യി​ല്‍​വേ പോ​ലീ​സ്. ക​ണ്ണൂ​ര്‍ റെ​യി​ല്‍​വേ പോ​ലീ​സി​ന്‍റെ നേ​തൃ​ത്വ​ത്തി​ല്‍ ന​ട​ത്തി​യ അ​വ​സ​രോ​ചി​ത​മാ​യ ഇ​ട​പെ​ട​ലി​ലൂ​ടെ ആ​ശു​പ​ത്രി​യി​ല്‍ സു​ഖം പ്രാ​പി​ച്ചു വ​രി​ക​യാ​ണ് പ​യ്യ​ന്നൂ​ര്‍ സ്വ​ദേ​ശി​യാ​യ ഉ​ണ്ണി​കൃ​ഷ്ണ​ന്‍ (55). ബു​ധ​നാ​ഴ്ച രാ​വി​ലെ 8.15 ഓ​ടെ ക​ണ്ണൂ​ര്‍ റെ​യി​ല്‍​വേ സ്റ്റേ​ഷ​നി​ലാ​യി​രു​ന്നു സം​ഭ​വം. മം​ഗ​ലാ​പു​രം-കോ​ഴി​ക്കോ​ട് പാ​സ​ഞ്ച​ര്‍ ട്രെ​യി​നി​ലെ സൈ​ഡ് സിം​ഗി​ള്‍ സീ​റ്റി​ല്‍ ഒ​രാ​ള്‍ അ​ബോ​ധാ​വ​സ്ഥ​യി​ല്‍ കി​ട​ക്കു​ന്നു​ണ്ടെ​ന്നാ​യി​രു​ന്നു റെ​യി​ല്‍​വേ പോ​ലീ​സി​ന് ല​ഭി​ച്ച വി​വ​രം. എ​സ്‌ഐ സു​രേ​ന്ദ്ര​ന്‍ ക​ല്യാ​ട​ന്‍റെ നി​ര്‍​ദേ​ശ​പ്ര​കാ​രം പോ​ലീ​സ് ഉ​ട​ന്‍ കം​പാ​ര്‍​ട്ടു​മെ​ന്‍റി​ലെ​ത്തി. വാ​യി​ല്‍നി​ന്ന് നു​ര​യും പ​ത​യും വ​ന്ന നി​ല​യി​ല്‍ അ​ബോ​ധാ​വ​സ്ഥ​യി​ല്‍ കി​ട​ക്കു​ന്ന നി​ല​യി​ലാ​യി​രു​ന്നു ഉ​ണ്ണി​കൃ​ഷ്ണ​ന്‍.
സ്ഥ​ല​ത്തെ​ത്തി​യ റെ​യി​ല്‍വേ​പോ​ര്‍​ട്ട​റു സ​ഹാ​യ​ത്തോ​ടെ പോ​ലീ​സ് ഉ​ദ്യോ​ഗ​സ്ഥ​ര്‍ ദേ​ഹ​ത്ത് ത​ട​വി​യും കൃ​ത്രി​മ ശ്വാ​സോ​ച്ഛാ​സം ന​ല്‍​കു​ക​യും ചെ​യ്ത​തോ​ടെ ഉ​ണ്ണി​ക്കൃ​ഷ്ണ​ന് ബോ​ധം തി​രി​ച്ചു​കി​ട്ടി. ഉ​ട​ന്‍ വി​ളി​ച്ചു വ​രു​ത്തി​യ 108 ആം​ബു​ല​ന്‍​സി​ല്‍ ക​യ​റ്റി ഇ​യാ​ളെ ക​ണ്ണൂ​ര്‍ ജി​ല്ലാ ആ​ശു​പ​ത്രിയി​ല്‍ എ​ത്തി​ക്കു​ക​യും ചെ​യ്തു. പ​യ്യ​ന്നൂ​രി​ല്‍നി​ന്ന് ട്രെ​യി​നി​ല്‍ ക​യ​റി​യ ഉ​ണ്ണി​കൃ​ഷ്ണ​ന് വ​ള​പ​ട്ട​ണത്താ​യി​രു​ന്നു ഇ​റ​ങ്ങേ​ണ്ടി​യി​രു​ന്ന​ത്. ഇ​യാ​ള്‍ ആ​ശു​പ​ത്രി​യി​ല്‍ സു​ഖം പ്രാ​പി​ച്ചു വ​രു​ന്നു. റെ​യി​ല്‍​വേ എ​എ​സ്‌ഐ പി.​കെ. അ​ക്ബ​ര്‍, സീ​നി​യ​ര്‍ സി​വി​ല്‍ പോ​ലീ​സ് ഓ​ഫീ​സ​ര്‍​മാ​രാ​യ മ​നു, പ്ര​ശാ​ന്ത​ന്‍, റെ​യി​ല്‍​വേ ടെ​ക്നി​ക്ക​ല്‍ സ്റ്റാ​ഫ് സ​ജി​ല്‍ ബേ​ബി എ​ന്നി​വ​ര്‍ ഉ​ള്‍​പ്പെ​ട്ട സം​ഘ​മാ​ണ് ര​ക്ഷാ​പ്ര​വ​ര്‍​ത്ത​നം ന​ട​ത്തി​യ​ത്.