കാസര്കോട് : ബേക്കല് പുഷ്പ ഫല സസ്യമേളയില് എത്തുന്ന സന്ദര്ശകര്ക്ക് ഏറെ കൗതുകവും താല്പര്യവും മേളയില് ഒരുക്കിയിരിക്കുന്ന വിവിധ നഴ്സറികളുടെ പൂക്കളോടും പഴങ്ങളോടുമാണ് . ചക്കയുടേയും സപ്പോട്ടയുടേയും വിവിധ ഇനങ്ങള് ചോദിച്ചു വാങ്ങുകയാണ് മേളയിലെത്തുന്നവര്.
പൂക്കളുടെ കാര്യത്തിലാണെങ്കില് മൈസൂര് മുല്ല, വെള്ള, മഞ്ഞ റോസുകള്, ഓര്ക്കിഡ് വറൈറ്റി തുടങ്ങിയ ഇനങ്ങള്ക്കാണ് കൂടുതല് ജനപ്രിയം. രണ്ടു വര്ഷകൊണ്ട് കായ്ക്കുന്ന ചക്കയും, ആയുര്ജാക്കും, ഗംലസ് ജാക്ക് ഫ്രൂട്ടും പ്രിയമേറിയ ചക്ക ഇനങ്ങളാണ് . മില്ക്ക് ഫ്രൂട്ട്, എഗ് ഫ്രൂട്ട് എന്നിവയ്ക്കും ആവശ്യക്കാെേരറയാണ്.
പെരിയയില് നിന്നെത്തിയ സംഘം ഒരുക്കിയ ഒരു ഡ്രമ്മില് വിവിധ പച്ചക്കറികള് ഒരുമിച്ച് കൃഷി ചെയ്യുന്ന രീതി അന്വേഷിച്ച് അറിയാനും കൃഷിയിടത്തില് പകര്ത്താനും നിരവധി ആളുകളാണ് മേളയില് എത്തുന്നത്.
0 Comments