കോഴിക്കോട്: കൂടത്തായി കൊലപാതകക്കേസില് മുഖ്യ പ്രതി ജോളിക്കു വേണ്ടി ആളൂര് അസോസിയേറ്റ്സ് നിയമസഹായം നല്കും. ഇക്കാര്യം ആവശ്യപ്പെട്ട് ജോളി നല്കിയ അപേക്ഷ ജയില് സുപ്രണ്ട് താമരശേരി ജുഡീഷല് ഫസ്റ്റ് ക്ലാസ്മജിസ്ട്രേറ്റ് കോടതിക്ക് കൈമാറി. അതേസമയം, നിലവില് ജോളിക്ക് നിയമസഹായത്തിന് കോടതി അനുവദിച്ച അഭിഭാഷകന് കെ. ഹൈദര് വക്കാലത്ത് ഒഴിയും.
സൗമ്യ കൊലക്കേസില് പ്രതിയായ ഗോവിന്ദച്ചാമിക്ക് വേണ്ടി വാദിക്കാന് എത്തിയതോടെയാണ് ബിഎ ആളൂര് എന്ന പേര് കേരളം ശ്രദ്ധിച്ച് തുടങ്ങിയത്. ഇന്ന് രാജ്യത്ത് തന്നെ ഏറ്റവും കൂടുതല് പ്രതിഫലം വാങ്ങിക്കുന്ന, ക്രിമിനല് വക്കീലുമാരില് ഒരാളാണ് ബിഎ ആളൂര്. അധോലോകത്തിന്റെ സ്വന്തം വക്കീല് എന്നാണ് ബിഎ ആളൂരിനുളള വിളിപ്പേര്. സൗമ്യ കേസിലും ജിഷ കേസിലും നടിയെ ആക്രമിച്ച കേസിലെ പ്രതിയായ പള്സര് സുനിക്ക് വേണ്ടിയും വക്കാലത്തെടുത്ത് പ്രസിദ്ധനാണ് ആളൂര്.
0 Comments