രാജ്യം നിയന്ത്രിക്കുന്നത് ഫാസിസ്റ്റുകള്; കേന്ദ്രത്തിനെതിരെ ആഞ്ഞടിച്ച് രാഹുല്
ന്യൂഡല്ഹി: ജെഎന്യു സംഘര്ഷത്തില് കേന്ദ്രസര്ക്കാരിനെതിരെ രൂക്ഷവിമര്ശനം ഉയര്ത്തി കോണ്ഗ്രസ് നേതാവ് രാഹുല് ഗാന്ധി. രാജ്യത്തെ നിയന്ത്രിക്കുന്ന ഫാസിസ്റ്റുകള് ധീരരായ വിദ്യാര്ഥികളുടെ ശബ്ദത്തെ ഭയപ്പെടുന്നതായി രാഹുല് പറഞ്ഞു. ധീരരായ വിദ്യാര്ഥികളുടെ ശബ്ദത്തെ നമ്മുടെ രാജ്യം നിയന്ത്രിക്കുന്ന ഫാസിസ്റ്റുകള് ഭയപ്പെടുകയാണ്. ആ ഭയത്തിന്റെ പ്രതിഫലനമാണ് ജെഎന്യുവിലെ അക്രമമെന്നും രാഹുല് പറഞ്ഞു.
മുഖംമൂടി ധരിച്ചവര് വിദ്യാര്ഥികളെയും അധ്യാപകരേയും ക്രൂരമായി ആക്രമിച്ചു. ഞെട്ടിക്കുന്ന സംഭവമാണിത്- രാഹുല് ട്വീറ്റ് ചെയ്തു. ജെഎന്യു അക്രമത്തിന്റെ ചിത്രങ്ങള് സഹിതമായിരുന്നു രാഹുലിന്റെ ട്വീറ്റ്. പശ്ചിമ ബംഗാള് മുഖ്യമന്ത്രി മമത ബാനര്ജിയും സംഭവത്തെ അപലപിച്ചു. ജനാധിപത്യത്തിന് അപമാനമായ സംഭവമാണിതെന്ന് മമത പറഞ്ഞു.
0 Comments