ലണ്ടന് ഒളിമ്ബിക്സില് പങ്കെടുത്ത മയൂഖ ജോണി, ജക്കാര്ത്ത ഏഷ്യന് ഗെയിംസിലെ വെള്ളിമെഡല് ജേതാവ് വി.നീന തുടങ്ങിയ താരങ്ങള് തലശ്ശേരി സായിയുടെ പരിശീലനക്കളരിയിലൂടെയാണ് മിന്നുംതാരങ്ങളായത്. നഗരസഭാ സ്റ്റേഡിയം അടച്ചിട്ടതോടെ കണ്ണൂരിലെയും കോഴിക്കോട്ടെയും മൈതാനങ്ങളിലാണ് പരിശീലനം നടത്തിയിരുന്നത്. പുതിയ സിന്തറ്റിക് സ്റ്റേഡിയത്തിലേക്ക് മാറാമെന്ന ആഹ്ലാദത്തില് കരിനിഴല്വീഴ്ത്തിയാണ് ഈ ഉത്തരവെത്തിയത്. 2001-ലാണ് തലശ്ശേരിയില് അത്ലറ്റിക്സ് തുടങ്ങിയത്. ഇതേവര്ഷം തുടങ്ങിയ ബാസ്കറ്റ്ബോള് പരിശീലനം കഴിഞ്ഞവര്ഷം നിര്ത്തിയിരുന്നു.
ഉദ്യോഗസ്ഥരുടെ ശ്രദ്ധയില്പ്പെടുത്തും
സായ്തന്നെ കോടികള് ചെലവഴിച്ച് ധര്മടത്ത് സ്റ്റേഡിയം നിര്മിക്കുന്ന സാഹചര്യത്തില് അത്ലറ്റിക്സ് ഇവിടെനിന്ന് മാറ്റാനുള്ള തീരുമാനം അനുചിതമാണെന്ന് ബി.ജെ.പി. ദേശീയ നിര്വാഹകസമിതിയംഗം പി.കെ.കൃഷ്ണദാസ് പറഞ്ഞു. ഇക്കാര്യം സായിയുടെ ഉന്നതോദ്യോഗസ്ഥരുടെ ശ്രദ്ധയില്പ്പെടുത്തും. അത്ലറ്റിക്സ് ഇവിടെത്തന്നെ നിലനിര്ത്താനുള്ള ശ്രമങ്ങള് നടത്തും.
0 Comments